Kreatibitate eta Eraginkortasun sariak, bi kontzeptu ezberdin dira, oinarrian saritzea gisako ekintza bat eduki arren.

Kreatibitate sariak, Agentziek (edo euren elkarteek) antolatzen dituzte normalean bai kreatibo eta baita agentziako kideei prestigioa emanez. Autopromoziorako jaialdiak direla esan daiteke, publizitatearen negozioaren barruan notorietatea lortzeari begira egindakoak. Beste aldetik, publiko orokorraren arreta lortzen da jaialdi hauen bitartez, publizitatearen alde espektakularra eta artistikoa azpimarratuz eta egia da honelako sariek iragarleari baino mesede gehiago egiten diotela agentzia, kreatibo … gisakoei.  

Eraginkortasun sariak aldiz, iragarleak antolaturiko sariak dira, kanpainaren eraginkortasuna, publizitate xedea eta lorturiko inpaktuen arabera, sariak emango dituztenak. Kreatibitate sarietan ez bezala, edertasun eta dibertimendua  gisako faktoreak ez dira  kontuan  hartuko lana saritzerako orduan. Publizitatearen arloan, saririk garrantzitsuenak direlakoaren uste dut, beraien agerkera nahiko berandu izan bazen ere ( 1997).

Nire ustez sari hauek bi alderdientzat dira mesedegarri, bai agentzientzat eta baita iragarleentzat ere. Agentziei dakoionez, beraien burua kanpaina eraginkor bat egiteko gaitzat aurkeztuko dute. Gainera kontuan hartu beharrekoa da, publizitatearen mundu honetan benetan garrantzia handia duten markek ( diru gehien inbertitzen dutenak )  ez dutela normalean agentzia batekin denbora luzez lan egiten, beraz agentzia bat aukeratzeko orduan, eraginkortasun saria jaso duen iragarkiaren edo kanpainaren  egilea izateak nahi pisu emango dio agentzia horri .Iragarleari dagokionez ere, oso garrantzitsua izango da honelako sari bat lortzea, benetan bertan neurtuko baita iragarki edo kanpaina horren truke jasoko duten irabazi kopurua. Iragarle batek kanpaina eder bat egitea baino gehiago begiratuko dio trukean jasoko duenari, eta funtzean enpresa horrek irabaziak hartuko ditu aintzat, baita beraien komunikazio helburua bete den edo ez.

Baliteke kreatibitatea eta eraginkortasuna elkarrekin aurkeztea kanpaina batean, baina askotan ez da horrela izaten. Kreatibitateak itxura, edertasuna, aurkezpena … gisako faktoreak hartuko ditu kontuan, baina benetan garrantzitsua dena da, denbora pasa ahala jendea gure enpresa, marka, produktu … aldeko iritzia izateaz gain, kanpainan geneukan xedea betearaztea. Kanpaina bat kreatibitatean bakarrik oinarritzen bada iragarlearen xedeak aintzat ere hartu gabe, kanpaina horrek ez du ezertarako balioko, bakarrik X sarietan eta X mahakideen bidez kreatibitate sari bat jaso zuela esateko. Baina funtzean galdetu beharrekoa honakoa izango litzateke: Bete al dira marketing edo publizitateari dagozkion helburuak ? Salmentak areagotu al dira ? Lortu ahal dugu, oinarrian genuen xede taldeko kideei persuaditzea eta gure produktuarekiko fideltasuna %10 handiagotzea ?

 Honekin ez dut esan nahi, kreatibitate sarien aurka nagoenik. Jende asko dago, kreatibitate, diseñuaren … arloan lanean dihardu etengabe  eta beraien ordu eta dedikazioa saritzea ere oso ongi iruditzen zaida azpimarratu beharko nuke.

Baina, zertatik kreatribitatea, estrategia eta helburuekin hornituriko sariei eraginkortasuna batu ? Honakoak EFI sariak izango lirateke.

Adibide, gisa Shackleton agentziak ” Sentido y Sensibilidad ” izenarekin eta Caja Madrid-entzat eginiko kanpaina bat landuko dut, EFI sarietan izugarrizko arrakasta izan zuela eta. Hona hemen eginiko lan bikaina, zoriontzeko modukoa,alegia.

efi

 

 

caja20madrid20-20sentido20y20sensibilidad20-20oro20marketing20directo20en20sol202008

Eficacia sarien 2008ko irabazleen zerrenda ere kontsultatu dezakezu, eta konparatu 2008ako iragarleen inbertsio ranking-arekin. Zer nolako harremana ikusten duzu publizitate inbertsio eta publizitate eraginkortasunaren artean? Kasu adierazgarriren bat?

Datuak aztertu ondoren, esan dezakegu inbertsioak ez dutela eraginkortasunarekin inolako harreman zuzenik. Iaz gehien inbertitu zuten iragarleak, ez zuten eraginkortasun saririk eskuratu, baina honako honek bere logika du, diruak lagundu arren, ez baitu zertan jendearengan modu eraginkor batean jokatzen lagundu.

Kasu esanguratzuen artean:  Once-rena dugu. Inbertsiaren Ranking-ean 15. postuan egon arren 40 milioko inbertsiarekin, komunikazio komertzialaren eraginkortasun saria jaso zuen.

Telefonicaren kasua ere esanguratsua da, urtero publizitatean gehien inbertitzen duena izan arren, iaz ez  baitzuen  inolako saririk jaso.  EAEari erreferntzia eginez ere, Euskalteleko telebista digitalak eta Fagorreko labe pirolitikoek jasotako efikazioa sariak.

Lan honi amaiera eman aurretik, ezin dugu aipamen gabe utzi DobleYou agentziak jasotako eraginkortasun saria. Saria aurrekontu gutxirekin eginiko kanpainei zuzendurik dago eta egia esan, Atrapalo kanpaina guztiengandik nahiko ezaguna da. Hala ere, norbait ezagutzen ez baldin badu, hona hemen bideoa …

Ondorioa: Ez du zertan iragarle haundi bat izan eraginkortasun sari bat eskuratzeko. Egia da, publizitaterako diru gehiago izateak lagundu egingo duela kanpaina bat egikaritzerako orduan, baina bi webgune horietan ikus daitekeen bezalaxe, kontuan hartu: Ez da berdina publizitatean inbertitzea eta eraginkortasuna, gutxi inbertituta kanpaina eraginkor bat egitea posible baita.  

Anuncios